From: goha_20002000@hotmail.com
From: goha_20002000@hotmail.com
To: sameeh116@gmail.com
Subject:
Date: Thu, 12 Jan 2012 17:53:50 +0200
نازلين الميدان لية؟
فى العيد الاول لثورة 25يناير
احنا مين ؟ أحنا مش عملاء ولا مندسين ولا بناخد تمويل ولا تبع احزاب.. أحنا شباب مصرى
· نازلين يوم 20-5 يناير مش علشان نحرق ولا نخرب
· نازلين بايدين بيضاء من غير سلاح ولا طوب ولكن جوانا حبنا للوطن
· نازلين بعد سنة كاملة من الثورة سقط خلالها شهداء ومصابين ومعتقلين سياسيين
· نازلين علشان الضغط الشعبى هو الوسيلة الوحيدة لتحقيق مطالبنا ومراقبة مستقبل الثورة
· نازلين علشان احنا رافضين أسلوب التخويف والإرهاب البوليسى وتهمة التأمر وتشويه السياسيين والثوار اللى كان بيستخدمه نظام مبارك ضد المعارضة .. ومازال
مطالبنا الثورية هى :
1- تحقيق مطالب الثورة اللى ماتحققتش ( الحرية للشعب والعدالة الاجتماعية للفقراء)
2- محاكمة المسئولين عن مذابح محمد محمود وماسبيروا ومجلس الوزراء اللى سقط فيها عشرات الشهداء والجرحى
3- استرداد الأموال التى نهبتها عصابة مبارك ومازالت بحوزتهم وهم داخل السجن.. وإعادتها للشعب
4- استرداد أراضى الدولة استولى عليها كبار المسئولين السابقين وتوزيعها على مئات الالف من الشباب العاطل
5- محاكم ضباط الداخلية المسئولين عن شهداء 25 يناير واللى المحاكمات بدأت تبرأهم
6- الحرية للمعتقلين من شباب الثورة اللى فى السجون العسكرية
7- الكشف عن الطرف التالت المسئول عن العنف والتخريب ..اللى هو فى الحقيقة زراع الأجهزة الأمنية من البلطجية
8- الإسراع بنقل الصلاحيات السياسية والتنفيذية للمجلس العسكرى الى سلطة مدنية وعودته الى دورة فى حماية الوطن
No comments:
Post a Comment