{الفكر القومي العربي} وصلتني من صديقي حسن صابر عبر الفيس بوك

وصلتني من صديقي حسن صابر عبر الفيس بوك و أنا متفقة مع رأيه . . ما رأيكم؟

(بلغ إجمالي عدد المقيدين 50.524.993، عدد الحضور 23.025.610 بنسبة مئوية 45.6%، وجاء عدد الأصوات الصحيحة 22.602.826، أما عدد الأصوات الباطلة فبلغ 422.784 صوت.

أكدت النتائج طبقا للمعالجة الرقمية التي قامت بها البوابة حصول الدكتور محمد مرسي مرشح حزب "الحرية والعدالة" على 5.602.547 صوت بنسبة 24.8%، والفريق أحمد شفيق على 5.404.121 صوت بنسبة 23.9%، وحمدين صباحي على 4.634.506 صوت بنسبة 20.5%، والدكتور عبد المنعم أبو الفتوح على 3.943.931 صوت بنسبة 17.4%، وعمرو موسى على 2.532.267 صوت بنسبة 11.2%.)

يعني كتلة الثورة (حمدين وأبو الفتوح) 32 % من غير الإخوان، ولو بالإخوان حتبقي 57%

ولو ضفنا بتوع عمرو موسى (اللي مش شايفينه فلول بالضرورة) حتبقي فوق الستين في المية ، والأصوات الفرط لباقي مرشحي الثورة حتبقى فوق 70%

ماحدش يشتم الشعب المصري، 70% من الشعب حاول واختار اختيارات معقولة، كتلة الثورة هي أكبر كتلة لكنها اتفتت
ولو صحيح إن الباقي خدهم الفلول وشفيق (من غير تزوير) فما حدش يقلق، دول الأسياد اللي راحت سلطتهم وعبيدهم اللي مايعرفوش يعيشوا من غيرهم بالإضافة للفقراء والجهلاء اللي خلق فقرهم وجهلهم هؤلاء السادة
السكة طويلة
ويكفي إن صباحي جاب ملايين بحملة فقيرة تقترب من أصوات مرسي اللي وراه كومة فلوس وتنظيم جبار
الثورة مستمرة
اللي عايز ينتخب مرسي ينتخبه
اللي عايز يقاطع يقاطع
الانتخابات لرئيس (بدون صلاحيات) مش نهاية الدنيا
السلطة الحقيقية في إيد العسكر
يسقط يسقط حكم العسكر