#أكاذيب_تكشفها_حقائق
الملك فاروق كان خريج كلية وولتش للعلوم العسكرية البريطانية (مش خريج درس سنة أولي وسقط كمان) و الملك فؤاد كان خريج مدرسة تورين الإيطالية الحربية و محمد علي باشا كان جندي مرتزق ألباني دخل مصر مع الانكشارية التركية ولما يتتجاب سيرة عبدالناصر يتقال مؤسس حكم العسكر
الملك فاروق كان غير متعلم ( شبه امي ) .. ولما حبوا يستشهدوا بحاكم مصري فاشل دراسيا استشهدوا بواحد جاب في الثانوية العامه ٦٠ % ودخل كلية حقوق ( كلية قمه وقتها ) وسابوا الامي ومجبوش سيرته.
محمد علي والخديوي إسماعيل ادوا لاوروبا وأمريكا مئات القطع الأثرية ادوهم مسلات كامله بدون مقابل .. ولما حبوا يستشهدوا بحادث من الماضي يدل علي التفريط في الآثار استشهدوا بحادث اهداء مصر خمس معابد #غير_مكتمله لمنظمه اليونسكو( مش أوروبا ) كهدية لليونسكو علي دورها في إنقاذ آثار النوبه في الستينيات وسابوا الي اهدي مسلات كامله لايطاليا وأمريكا وبيمجدوا فيه
الجنية خسر في عهد فاروق ١١ قرش وفي عهد السادات ٢٠ قرش .. ولما حبوا يتكلموا عن أكبر فتره هبوط للجنية ويلبسوا حاكمها انه هو سبب ضياع قيمه الجنية ، لبسوها لواحد الجنية المصري خسر في فتره حكمه ٤ قروش بس وكمان أكبر فتره استقرار للجنية خلال تاريخ الجنية كانت في عهده ( ١٩٥٢ الي ١٩٦٨ ) ثبات الدولار ب ٣٦ قرش
عزيز صدقي بني قرابه ال ١٢٠٠ مصنع في كل شيء تقريبا من أول الابره بتاعه مصانع الغزل لحد العربيه نصر والثلاجه ايديال والتلفزيون تلي مصر .. بس لما حبوا يرجعوا حد من الماضي عشان يبني المصانع تاني رجعوا واحد بني ٣٠ مصنع بس وقالك #طلعت_حرب_راجع مع كامل احترامي له 
💗
محمد علي حارب في الحجاز والشام وكان رايح تركيا عشان يحتلهم والملك فاروق ودا الجيش يحارب في الحرب العالمية والخديوي سعيد بعت الجيش المكسيك .. بس لما حبوا يستشهدوا بواحد دخلنا حروب مالناش علاقة بيها استشهدوا بواحد بعت الجيش اليمن عشان يحررها من الانجليز
الرئيس السادات استلف ١٩ مليار دولار والخديوي اسماعيل استلف ملايين من أوروبا .. بس لما حبوا يقولوا مين السبب في ديون مصر وتراكمها لبسوها لواحد استلف مليار ونص دولار بس من روسيا ( وروسيا اسقطتها سنه ١٩٩٢ )
محمد علي ذبح المماليك وعزل عمر مكرك ، والسادات اعتقل خصومه في ١٥ مايو ١٩٧١ .. ولما يجوا يستشهدوا بحاكم تخلص من خصومه يستشهدوا بواحد خصمه ده تآمر عليه وحاول يغتاله في المنشية ١٩٥٤ بس الحاكم ده حدد إقامته في فيلا ( مش معتقل ) وسط الخدم والحشم ومذبحوش( زي محمد علي ما عمل )
وفي الآخر يجي واحد يحاول يقنعني إن جمال عبدالناصر مفيش مؤامرة لتشويهه !! وإن صفحة الملك فاروق بيندفعلها فلوس لترويج بوستاتها الي بتهاجم ناصر صدفه ، واعلان وسيم السيسي ويوسف زيدان الي بيهاجموا فيه جمال عبدالناصر واذاعته ع القاهرة والناس بمبلغ وقدره صدفه !
منقول من #احمد_الحسيني
No comments:
Post a Comment