{الفكر القومي العربي} الفنان محمد فوزي اللي الشماشرجية بيقولوا مات عشان عبد الناصر أمم شركته !

مش صفحة الملك فاروق الأول والأخير بإذن الله

٧ ديسمبر ٢٠١٦ ·

#تأميم_مصر_ولّا_مصرفون ؟!
عشان بعض المؤلفة جيوبهم اللي ما بيفهموش كلامنا العربي الفصيح ؛ هنحاول نتكلم هنا باللغة اللي يفهموها ( لغة سلطان ابن رمضان السِكري في مسرحية " العيال كِبرت" ) ؛ رغم اننا اتعمدنا نقل نَصْ تأميم الشركات بدون تدخل عشان ما نشوّش الرسالة اللي استهدفناها من البوست و هي " إثبات الثابت" !
ولأن " الغرض مرض" مالوش شفاء ؛ هنرجع نقول بالعاميّة أهو : القانون كان بيستهدف بالاساس البنوك و شركات التأمين ؛ و على هامش الهدف الاساسي دا كان فيه شركات يحوز الشخص الواحد فيها اكتر من 10 الاف جنيه بيتم تأميمها ( يعني نقل ملكيتها للدولة بالشراء بسعر السهم في آخر يوم إقفال في البورصة قبل صدور القانون ) .
طبعاً كلام زي دا هيبان زي " اللوغاريتمات" بعد ما تُهنا أربعين سنة كامة في صحراوات الانفتاح و الرأسمالية المُستغلة . عشان كدا لازم نفهم سوا السبب اللي خلّى الثورة تنجز تحولها الاشتراكي بعد 9 سنين كاملة ( من 1952 لـ 1961 ) قضتها الثورة في معارك لا تنتهي بهدف تثبيت قدميها .
و الهدف الاكبر اللي الثورة كانت بتسعى له و هي بتتقدم خطوات في طريق الاشتراكية : توسيع قاعدة المِلكية للشعب ككُل ؛ بعد ما اكتشفت الثورة ( بالمصادفة البحتة ) سنة 1961 ؛ إن 300 بلچيكي بيمتلكوا مليون سهم في شركاتنا و ان 200 اسرة يهودية بتحمل جوازات سفر اجنبية بيمتلكوا 500 مليون جنيه في شركاتنا ودا مبلغ يساوي النهاردا حوالي ترليون جنيه ( الترليون ألف مليار ) !
نرجع بقى لحبيبنا الموسيقار #محمد_فوزي ( اللي هتشوفوه في صورة وهو بيسلّم الريّس عبد الناصر شيك بتبرعه لـ" أسبوع تسليح الجيش " في أبريل/ نيسان 1955 ) وبما أن "القانون مفيهوش زينب " ( و العدالة لازم تكون عمياء و إلا بقت مُحاباة و ورق المحاكم يبقى لعبة 3 ورقات ! ) التأميم استهدف الشركات الكبيرة اللي أسهُم المساهم الواحد فيها كانت بتزيد عن 10 آلاف جنيه ، ودا انطبق على فوزي و على ام كلثوم ( اللي كانت اقرب للريس و للثورة عموماً من عبد الوهاب و عبد الحليم الف مرة ) .
بالمناسبة كمان اي حد عايز يتكلم في موضوع قانون التأميم لازم يعرف الأول معلومة ممكن تنسف كل الحقد الاسود إياه : فوزي بقي في موقعه الاداري كمدير لمصرفون ؛ لأن القانون احتفظ لرؤساء مجالس ادارات الشركات المؤممة بمراكزهم الادارية في شركاتهم ؛ و الدليل على كدا ان عدويْ الثورة الكبيرين : عثمان احمد عثمان و مصطفى امين : الاتنين فضلوا على رأس ادارة المقاولين العرب و اخبار اليوم بعد التأميم !
أخيراً ؛ و دا الأهم : شركة مصر فون أُسست في يوليو 1958 ، و حضر افتتاحها عزيز صدقي شخصياً ( وزير صناعة الثورة ) يعني عُمر شركة مصر فون ( اللي بقى اسمها "صوت القاهرة للصوتيات و المرئيات" ) يوم ما اتأممت كان 3 سنين لا غير ؛ و بالتالي لم تكن تُمثل الكيان العملاق اللي الشماشرجية بيروجوا ليه ؛ لكن كانت ميزتها الاساسية هي قيامها بطبع اسطوانات ام كلثوم ( اللي كانت شريكة في أسهمها ) . أمّا البهاليل اللي مصدقين شماشرجية ملك الكوليرا و حسن ألاباندا اللي بيتقيأوا أحقادهم كذب و تضليل ؛ فلازم يقرأوا بالتفصيل التِركة اللي سابها فوزي و اتخانق عليها ورثته ( أرملته و أولاده و أخواته ) .
إنما المهاطيل اللي بيقولولك أصل عبد الناصر " انتقم من فوزي عشان كان ضد الانقلاب" . فدُول أبأس من إننا نرُد عليهم ؛ إلا بذكر حقيقة تاريخية مُسجلة : فوزي مكانش محسوب على معسكر اعداء الثورة بتاتاً بالعكس :
هنا روابط المنشورات اللي مسحنا بيها بلاط التاريخ باللي بيكدبوا زي ما بيتنفسوا لأنهم بيتنفسوا كدب !
هنا تفريغ لآخر حوار أجراه فوزي مع اذاعة الشرق الاوسط قبل رحيله بشهر ونص بس بيشكر فيه الريس عبد الناصر مرتين على مساندته له في مرضه
https://www.facebook.com/king.farouk.faroukmesr/videos/1976014112687059/

https://www.facebook.com/king.farouk.faroukmesr/videos/1760367470918392/
وهنا نص قانون تأميم الشركات الصادر يوم 20 يوليو 1961 ؛ يمكن " الحمير الحصاوي" يتكسفوا شوية من جهالتهم اللي بقت مَرَضية
https://www.facebook.com/king.farouk.faroukmesr/posts/1759026761052463:0
و هنا أهم حاجة في الحدوتة كلها : تأصيل تاريخي لأسباب التعجيل باصدار قوانين التأميم جواباً لسؤال كاشف : " مين بيملك مصر ؟! "
https://www.facebook.com/king.farouk.faroukmesr/posts/1759064324382040:0
و هنا الخطوط العريضة لقوانين يوليو ككُل و ازاي لو أي حد بيملك ذكاء الصرصور الابيض ؛ تأملها هيلاقيها ترجمة صادقة ( و مُخيفة كمان بحُكم مرور خمسين سنة ! ) لمطالب مظاهرات 25 يناير ؟!
https://www.facebook.com/king.farouk.faroukmesr/posts/1759007311054408:0

هنا فوزي بيغني : غنّوا لتلاتة وعشرين يوليه
https://www.facebook.com/225430274543285/posts/531348893951420/

وهنا بيغني رشوا الملح في عيد الثورة بعد تأميم مصر فون بأيام
https://www.facebook.com/225430274543285/posts/531414310611545/
و هنا فوزي بيغني للأطفال أغنية زي " ماما زمانها جايه " بس بيمجد فيها الثورة و اشتراكيتها في اغسطس 1961 ؛ بعد تأميم مصرفون بشهر واحد بس
https://www.facebook.com/king.farouk.faroukmesr/videos/1759338867687919/
و هنا بيغني لقوانين يوليو الاشتراكية و بيمجد تعيين العمال في مجالس ادارة مصانعهم و شركاتهم
https://www.facebook.com/king.farouk.faroukmesr/videos/1759641697657636/
و هنا فوزي بيغني مُندداً بالانفصال ( بعد تأميم شركته بشهرين بس )https://www.facebook.com/king.farouk.faroukmesr/videos/1759510304337442/
و هنا بعد تأميم مصر فون برضو بيغني للوحدة الثلاثية بين سورية و العراق و مصر في ابريل 1963
https://www.facebook.com/king.farouk.faroukmesr/videos/1759491787672627/

وهنا شقيقته ( السيدة هدى سلطان ) بتنتحب في جنازة الريس حزناً و لوعة و أسى
https://www.facebook.com/king.farouk.faroukmesr/posts/1759637230991416:0
و هنا هدى سلطان و معاها الحاجة هنّومة / مديحة يسري ( اللي الشماشرجية اعتبروها " مرجع تاريخي" ) و معاهم الفنانة ماجدة وهما ماشيين بملابس الحداد في جنازة الريّس
https://www.facebook.com/king.farouk.faroukmesr/posts/1759634747658331:0
هنا هتلاقونا ماسكين حرامي وسرواله بين كاحليه
https://www.facebook.com/…/a.15944730075…/1934425636845907/…

وهنا بقى هتلاقونا ماسكين حرامية موقع صلاح افندي دياب بالجُرم المشهود
https://www.facebook.com/king.farouk.faroukmesr/posts/1759890277632778:0
واخيرا دا تفنيد باتر لكل حواديت ألف نيلة و نيلة اللي ألفتها تيزا هنّومة و نشرتها مواقع بير السلّم كـ" تاريخ" !
https://www.facebook.com/king.farouk.faroukmesr/posts/1759552737666532:0