بما اني مش فاضية الفترة دي وعايزة ابعد عن الفيس شوية، فعايزة اعترف اعتراف قبل ما ابعد، بما اني برضه اتكلمت من كم يوم عن تجربتي مع التحول للناصرية.
أنا ما كنتش بحب عبد الناصر ومش هقول كنت بكرهه لأني ماخدتش بالي زمان اذا كنت بكرهه فعلا، لكن ما كنتش بحبه خالص، لأن أكتر حد كنت بكرهه السادات واكتر من مبارك. نظرتي لعبد الناصر كانت سلبية، حتى لو نظرتي للسادات كانت الأكثر سلبية على الإطلاق. لما يناير قامت وطلعت نخبة طويلة عريضة في الإعلام تقول "حكم العسكر" و"الستين سنة الأخيرة" وكل من حكمونا مستبدين حتى الآن، أنا كنت موافقة على الكلام دا، ودا لأن أصلا ما كنتش اعرف حاجة، احنا بنسمع وبنصدق وخلاص، ولما اللي يتكلموا يكونوا نجوم ونخبة المجتمع والناس اللي اتصدروا المشهد كوجوه لثورة عظيمة قامت زي يناير، فاحنا وارد جدا نصدقهم أكتر ما بنصدق أي حد عادي.
أنا بقول الكلام دا ليه؟ جايالكم في الكلام اهو...
لما كنت ما بحبش عبد الناصر وبعتبره سيء زي غيره واستبداد وحكم عسكر وكده، كنت بشوف ان حب الناصريين المفرط لعبد الناصر دا تمجيد وتأليه لشخص وكدهون.. وكنت بشوف ان دي حاجة غبية
انا ما فهمتش سبب الحب دا غير لما بقيت جزء من المنظومة، لما فهمت يعني إيه ناصرية وان دي أيديولوجيا بترتكز على مبادئ وقيم معينة وان الراجل دا رمز للأيديولوجيا دي، وان أي اصحاب أيديولوجيا معينة في الدنيا طبيعي بيحبوا ويقدروا رمزهم، زي مثلا ماركس والماركسيين
ولما عرفت وفهمت كمان عبد الناصر دا مين وعمل إيه، عرفت ليه هو يستحق كل الحب والتقدير دا حتى لو الشخص مش ناصري
اللي عايزة اقوله، إن أي حد، أي حد بره المنظومة دي فعلا أو ما قربش منها ودرسها حتى لو ما انتماش ليها، بتبقى دي لازم نظرته وعمره ما بيقدر يفهم ولا يستوعب دا، عشان كده دايما بنلاقي ناس بتقول دول بيعبدوا عبد الناصر، تأليه الأشخاص، تقديس الأشخاص .. وان دا غلط إلخ
لأي حد دي نظرته، أنا كنت زيك وانت عمرك ما هتفهم دا إلا لو حاولت وسعيت انك تقرب وتفهم بأي شكل مش لازم تبقى ناصري
عايزة اوضح برضه ان مفيش أي تأليه ولا تقديس ولا حاجة زي ما اللي بره المنظومة بيبقى فاكر، دا مش حقيقي، لكن الموضوع عبارة عن حب وتقدير وفخر واحترام وانتماء فقط ، عبد الناصر إنسان بيخطئ ويصيب وقابل للنقد والناصريين نفسهم معترفين بدا عادي وممكن ينتقدوه عادي، لكن في نفس الوقت هما مدركين عظمته كشخص استثنائي في التاريخ وأهميته وقدره كزعيم وطني وثوري حكم مصر في فترة حساسة وحاسمة من تاريخها وانه صانع تاريخ وقليلون من يصنعون التاريخ فالصنع غير المشاركة، وفوق دا فعبد الناصر رمز لأيديولوجيتهم لمبادئهم وقيمهم زي ما قلنا فوق، الناصرية يعني العدالة الاجتماعية، الاستقلال الوطني، مقاومة الاستعمار والتبعية بأشكالها، الحرية، الاشتراكية، الوحدة والقومية العربية
انا هبعد عن الفيس حبة، ولما ارجع هبقى اعترفلكم اعتراف تاني
أنا ما كنتش بحب عبد الناصر ومش هقول كنت بكرهه لأني ماخدتش بالي زمان اذا كنت بكرهه فعلا، لكن ما كنتش بحبه خالص، لأن أكتر حد كنت بكرهه السادات واكتر من مبارك. نظرتي لعبد الناصر كانت سلبية، حتى لو نظرتي للسادات كانت الأكثر سلبية على الإطلاق. لما يناير قامت وطلعت نخبة طويلة عريضة في الإعلام تقول "حكم العسكر" و"الستين سنة الأخيرة" وكل من حكمونا مستبدين حتى الآن، أنا كنت موافقة على الكلام دا، ودا لأن أصلا ما كنتش اعرف حاجة، احنا بنسمع وبنصدق وخلاص، ولما اللي يتكلموا يكونوا نجوم ونخبة المجتمع والناس اللي اتصدروا المشهد كوجوه لثورة عظيمة قامت زي يناير، فاحنا وارد جدا نصدقهم أكتر ما بنصدق أي حد عادي.
أنا بقول الكلام دا ليه؟ جايالكم في الكلام اهو...
لما كنت ما بحبش عبد الناصر وبعتبره سيء زي غيره واستبداد وحكم عسكر وكده، كنت بشوف ان حب الناصريين المفرط لعبد الناصر دا تمجيد وتأليه لشخص وكدهون.. وكنت بشوف ان دي حاجة غبية
انا ما فهمتش سبب الحب دا غير لما بقيت جزء من المنظومة، لما فهمت يعني إيه ناصرية وان دي أيديولوجيا بترتكز على مبادئ وقيم معينة وان الراجل دا رمز للأيديولوجيا دي، وان أي اصحاب أيديولوجيا معينة في الدنيا طبيعي بيحبوا ويقدروا رمزهم، زي مثلا ماركس والماركسيين
ولما عرفت وفهمت كمان عبد الناصر دا مين وعمل إيه، عرفت ليه هو يستحق كل الحب والتقدير دا حتى لو الشخص مش ناصري
اللي عايزة اقوله، إن أي حد، أي حد بره المنظومة دي فعلا أو ما قربش منها ودرسها حتى لو ما انتماش ليها، بتبقى دي لازم نظرته وعمره ما بيقدر يفهم ولا يستوعب دا، عشان كده دايما بنلاقي ناس بتقول دول بيعبدوا عبد الناصر، تأليه الأشخاص، تقديس الأشخاص .. وان دا غلط إلخ
لأي حد دي نظرته، أنا كنت زيك وانت عمرك ما هتفهم دا إلا لو حاولت وسعيت انك تقرب وتفهم بأي شكل مش لازم تبقى ناصري
عايزة اوضح برضه ان مفيش أي تأليه ولا تقديس ولا حاجة زي ما اللي بره المنظومة بيبقى فاكر، دا مش حقيقي، لكن الموضوع عبارة عن حب وتقدير وفخر واحترام وانتماء فقط ، عبد الناصر إنسان بيخطئ ويصيب وقابل للنقد والناصريين نفسهم معترفين بدا عادي وممكن ينتقدوه عادي، لكن في نفس الوقت هما مدركين عظمته كشخص استثنائي في التاريخ وأهميته وقدره كزعيم وطني وثوري حكم مصر في فترة حساسة وحاسمة من تاريخها وانه صانع تاريخ وقليلون من يصنعون التاريخ فالصنع غير المشاركة، وفوق دا فعبد الناصر رمز لأيديولوجيتهم لمبادئهم وقيمهم زي ما قلنا فوق، الناصرية يعني العدالة الاجتماعية، الاستقلال الوطني، مقاومة الاستعمار والتبعية بأشكالها، الحرية، الاشتراكية، الوحدة والقومية العربية
انا هبعد عن الفيس حبة، ولما ارجع هبقى اعترفلكم اعتراف تاني
عرض أقل
No comments:
Post a Comment