بالبلدي، الموقف الحالي لسد النهضة:
وأتحدى إن الإعلام يكون نقل لك الصورة صح
١- مصر وافقت لإثيوبيا على حقها في ملىء السد في إعلان المباديء بالتوازي مع مفاوضات على إتفاق تشغيل السد.
٢- مصر وافقت لإثيوبيا على حق منفرد في ضبط تشغيل السد
٣- مصر كده معملتش حساب نقطتين:-
٣-١ إثيوبيا لا تعترف بأي نقطة مياه لمصر كحصة في النيل.
٣-٢ إثيوبيا هتبني تورتة سدود بعد سد النهضة
ده معناه إن مفيش نيل في مصر من أصله.
٤- مصر تعمل ايه بقى،
ظهرت فكرة، هي محاولة إلزام إثيوبيا بتمرير 35 مليار متر مكعب لمصر في سنوات الجفاف،
حلو؟
ده معناه (ضمنيا) إن إثيوبيا تعترف إن مصر حصتها أكبر من 35 مليار متر مكعب.
تمام؟
٥- إثيوبيا مش عبيطة، رفضت تمضي على الكلام ده طبعا.
وقالت إن ضبط تشغيل السد من حقي طبقا لإعلان المباديء.
٦- مصر عارفة إنها اتورطت بسبب إعلان المباديء لكن البرستيج مانعها من الإنسحاب.
٧- مصر بتحاول تضغط على إثيوبيا عشان توافق على (تدفقات سنوات الجفاف)، اللي تضمن بها حصتها (بشكل ضمني)،
وإثيوبيا بتقول لاء، أنا ملتزمة بإعلان المباديء.
لإنها عارفة إن مستحيل مصر تنسحب منه.
٨- الملىء الثاني، بداية تحول كفة القوة كلها لصالح إثيوبيا.
٩- أي كلام عن تعنت إثيوبيا هو (خداع).
١٠- أي كلام عن (إتفاق مُلزم)، من غير توضيح هو (مُلزم بإيه) هو (خداع).
١١- أي حد بيتكلم في الموضوع من غير ما يكون عارف هدف مصر من المفاوضات (بيهبد)
١٢- أي كلام عن إن الملء الثاني الأحادي، مش من حق إثيوبيا، (خداع)
No comments:
Post a Comment