فيه ايه عرفونا؟؟
اما المتحدث الرسمي باسم وزارة الخارجية الاثيوبية يطلع ويتبجح ويتجاوز كل الحدود والاعراف والمواثيق ويقول : احنا لن نلتزم بحصص ثابتة لدولتي المصب من مياه النيل ، لكن ممكن وقت الجفاف هنراعي الظروف ....
كده عيني عينك واحنا بنعزف ونتمسك بالحل الديبلوماسي ... النيل موش لعبة ولايقبل ان يكون لعبة في ايدي الاثيوبيين او غيرهم ... النيل موش محتاج كل الهدوء اللي احنا عايشينه ولو كنا معتمدين علي شوية مية في بحيرة ناصر هيخلصوا ... احنا منتظرين ايه ؟ منتظرين اما نعطش اما الارض تبور .. منتظرين نصرف ٦٠٠ مليار جنيه واحنا مكبلين بالديون عشان نبطن الترع عشان نوفر 5 مليار متر مكعب سنويا .. وبقية ال 50 مليار هنعوضهم ازاي
تبجح المسؤول الاثيوبي وتجاوزه كل الحدود يتطلب وقفة وارادة وفعل موش كلام
ياروح مابعدك روح
تعبتونا وقرفتونا وقهرتونا ان حق تاريخي موثق دوليا بيضيع قدام عينينا وسمحنا للي بيسوي وما يسواش يهين فينا ويصفعنا واحنا ساكتين
فيه ايه عرفونا دي موش قضية فساد ولا زلزال له اثار ولا ديون بالمليارات دي حياتنا ووجودنا
No comments:
Post a Comment