الناس اللي مستغربة من تعامل أثيوبيا معانا بإستخفاف .. ومن وصول اردوغان لدولة على حدودنا .. ومصدومين ومندهشين ان احنا لازم نستأذن ناس كتير جدا علشان نتحرك .. مش بس علشان نتحرك في ليبيا .. لا .. علشان نتحرك جوا سينا حتى
أتمنى أنكم تكونوا فهمتوا دلوقتي إحنا كنّا بنحارب في اليمن ليه.. وعملنا وحده مع سوريا ليه .. وشجعنا حركات التحرر في دول عربيه وافريقيه وساندنا القضيه الفلسطينيه ليه
عبد الناصر معملش كده فتحة صدر ولا علشان كان مسدس صوت
لكن لأنه فهم أن أمن مصر القومي مش هيتحقق غير ومصر ليها أذرع برا
مصر صندوق مربع .. لو قعدت جواه .. إستنى الضربه في ارضك
محمد علي ادرك ده .. رمسيس التاني ادرك ده
عبد الناصر ادرك ده
علشان كده محدش جرؤ يعمل سد ايام عبد الناصر
لكن من سنه ٧١ واحنا بنطبق سياسه مصر اولا واخيرا
وتخلينا عن كل مراكز القوة بتاعتنا وسيبناها طواعيه لتركيا وايران وقطر والسعوديه
اديني سبب واخد يخلي السودان يقف معانا
ازاي خسرنا بلد زي السودان .. بعد ما في يوم رفعوا عربية عبدالناصر من على الارض
حتى القوه الناعمه والفن سبيناهم
ومشينا على كل ما قام بيه عبدالناصر بأستيكه
يا رب تكونو مبسوطين دلوقتي وسعدا ان محدش واقف جنبحوا
يا رب تكون الرائسماليه عجباكم
Tuesday, 16 June 2020
{الفكر القومي العربي} الناس اللي مستغربة من تعامل أثيوبيا معانا بإستخفاف ..
etto Mohamedمتابعة
Subscribe to:
Post Comments (Atom)
No comments:
Post a Comment