{الفكر القومي العربي} قرني الكحال خدوه فى السخرة
كيفك ياضناي يابن الغالية أمك الله يرحمها، ولدى مصطفى وكلاتهم فى بنى مر قلت لهم لازمًا أشوف جمال ولد عبد الناصر ،أبوك عما يقول ابنى جمال ..ولدى جمال ...انت ولدنا كلنا،فرحانة لك يابن الغالية انا مش هطول عليك .
"الحكاية زى ما قلت لها بقالها 100 سنة أو أقل شوية ،أنا لا حضرتها ولا أبوي لكن بتتحكى فى دارنا كل يوم لما شفناها قدامنا زى ما بنشوف ولادنا .
الحكاية ياولدى ان جدى الكبير قرني الكحال خدوه فى السخرة وياما ناس خدوهم فى السخرة، قالوا انهم خدوه يحفر ترعة حدا بلاد الشام .. لكن لما اتنورنا عرفنا إنها قناة السويس.
كانوا واخدين من شباب البلد الوفات..واحد منهم رجع، رجع لوحديه من كل الشباب اللى راح ،ورجع لنا توبه ده .
قال انه مات فى حفر القنال ..مات قتيل
لكن تاره مع مين ؟ لا حكومة تنفع ولا قانون
استنينا التار سنة ورا سنة وولد بعد أب والحكاية بدل ما تصغر تكبر وبعدين سمعتك فى الراديو، قلت الله يا أم مصطفى ده اللى عمله جمال ده خد التار ليكى ولإلوف زيك جدودهم ماتوا فى الحفر ودمهم جرى فى القناة قبل ماتجرى المية قلت أبرد قلبى وقلبك واعطيك التوب ده . انت أحق واحــــــــد بيه
ناصر: خالتى ام مصطفى .. البقية فى حياتك
الست أم مصطفى "أمينة رزق ": فى حياتك الباقية ياولدى ربنا معاك ويقويك
No comments:
Post a Comment