{الفكر القومي العربي} قصيدة الحرية من الشهداء و الأغنية - كلمات أمين حداد

الحرية من الشهداء
http://www.youtube.com/watch?v=0pDJrGaEei4

http://www.youtube.com/watch?v=XbHH-vi6VfA&feature=related

http://www.youtube.com/watch?v=fE5ZDNj_t04&feature=related

كان ياما كان شباك مفتوح

حط عليه عصفور مجروح

قال أغنية وبعدين طار

كان يا ما كان عصفور تانى

فى المستشفى الميدانى

عايز يرجع للثوار

ياللى بترمى عليهم نار

العصافير فى الهوا أحرار

مهما ضربت ومهما قتلت

دم الشهدا على الأسفلت

يطرح ورد ويطرح نور

شمع منور ست شهور

دم الشهدا شمس المغرب

يا نايم فى الليل تتقلب

ما بينفعش لا نوم ولا صبر

صوت الشهدا أدان الفجر

صوت الشهدا يقول لك اصحى

أسامينا فى حبات السبحة

عد صوابعك على أسامينا

خالد أحمد ماجد مينا

شهدا يغنوا وشهدا يطيروا

شهدا اعتصموا وشهدا شهود

شهدا بييجوا من ماسبيرو

ويزوروا محمد محمود

شهدا سوايسة اسكندرانية

شهدا صعايدة بحاروة بدو

ثورة مصر حتفضل حية

بكرة هلالنا حيصبح بدر

شمس الثورة قوية قوية

وحتبعد كل الأعداء

مصر شباب طالبين حرية

والحرية من الشهداء

دم الشهدا مش حيروح

كان ياما كان شباك مفتوح

حط عليه عصفور مجروح

قال أغنية وبعدين طار

كان يا ما كان عصفور تانى

فى المستشفى الميدانى

عايز يرجع للثوار

    أمين حداد