يعني يا مبلولي مصر كانت (قوية اقتصاديا ولم تكن منغمسة بصورة كبيرة في الحروب، ولا في صراعات من 1900 حتى 1950) .. وكمان رغم ظهور الأزمة الاقتصادية عام 1928 (مع إن بالمناسبة كان في أزمة حدثت في 1947) وظهور الأوبئة والأمراض وكل ده واحنا بعون الله قدرنا نخرج من كل هذه الأزمات. وكمان حصدنا جهود الحكام بداية من محمد علي وسماعين .. وكمان قدمنا (معونة ومساعدات لكل دول أوروبا) زي ما أستاذ التاريخ العبقري ما قال .. ده احنا طلعنا جامدين اوي أهو...
مع إن القوات المسلحة من كام سنة احتفلت بمرور 101 عام على انتهاء الحرب العالمية الأولى واستشهاد ما يقرب من (نصف مليون مصري)، وكان الجيش المصري هو الثامن من حيث المشاركة في الحرب بعدد (مليون و200 ألف) مقاتل وده كلام اللواء أركان حرب جمال شحاته رئيس هيئة البحوث العسكرية أثناء الاحتفال (يعني كلام رسمي نظمي مش كلام مصاطب). ده كان فوتوشوب؟ ومصر شهدت أكبر أزمة مع بريطانيا في عام 1942 بعد حصارهم لقصر روقة .. أكيد دي كانت بروفة. ومشروع مكافحة الحفاة في 1941 والأزمة اللي حصلت في 1947 وتدني مستوى المعيشة وارتفاع نسبة البطالة .. أكيد مصر كانت زي الفل.
بعد كل الهرتلة دي .. السؤال اللي بيطرح بلح..
بتحتفلوا ليه يا حكومة بثورة يوليو؟ وليه بتبعتوا وزير الدفاع ينوب عن السيسي لزيارة ضريح جمال عبدالناصر؟
بتحتفلوا ليه يا حكومة بثورة يوليو؟ وليه بتبعتوا وزير الدفاع ينوب عن السيسي لزيارة ضريح جمال عبدالناصر؟ ليه احنا لحد دلوقتي نظامنا جمهوري؟ ومعنى كده أي مسؤول في الحكومة لو علق صورة فاروق لا يحاسب ولا يعتبر انقلابا على نظام الحكم؟!
تصدقوا بالله الواد أردوغان طلع عنده أصل أكتر منكم علشان لسة بيحترم أتاتورك وبيترحم عليه 
No comments:
Post a Comment