{الفكر القومي العربي} مصر العظمى وتزوير التاريخ. – مجلة الوعي العربي

http://elw3yalarabi.org/elw3y/2020/10/13/%d9%85%d8%b5%d8%b1-%d8%a7%d9%84%d8%b9%d8%b8%d9%85%d9%89-%d9%88%d8%aa%d8%b2%d9%88%d9%8a%d8%b1-%d8%a7%d9%84%d8%aa%d8%a7%d8%b1%d9%8a%d8%ae/

مصر العظمى من 1805-1952 اللى شهدت محاربة محمد على فى الجزيرة العربية واليونان كمرتزق لحساب السلطان العثمانى!

مصر العظمى اللى شعبها أطلق على محمد على وهو أفضل واحد من حكام أسرته أسم "ظالم باشا" !

مصر العظمى اللى عظمتها الخارجية كانت قصيرة ولم تتجاوز عقد من 1830 حتى معاهدة لندن 1840 !!

مصر العظمى اللى محمد على حولها لتكية لأسرته من بعده .

مصر العظمى اللى مات من شعبها أكثر من 120 ألف مصري فى حفر قناة السويس بالسخرة!!

مصر العظمى اللى حاكمها سعيد باشا حب يجامل نابليون الثالث فأرسل كتيبة من جيشها تحارب لصالحه فى المكسيك!!

مصر العظمى اللى وقعت تحت إدارة بريطانية فرنسية بسبب ديون اسماعيل اللى ساب شعبها يموت من الجوع والبلهارسيا والكوليرا ،وبنى أوبرا وخطط شوارع وسط القاهرة زى باريس !

مصر العظمى اللى عملت حفلة أسطورية فى افتتاح القناة على جثث 150 ألف مصري علشان اسماعيل كان مغرم بأوجيني امبراطورة فرنسا!

مصر العظمى اللى اسماعيل لما فكر يعمل إمبراطورية له فى أفريقيا فزج بجيشها فى حروب مع الحبشة أبيد فيها الجيش ، وخلقت عداء تاريخى لا ينتهى مع الأحباش وأفلست خزانة مصر وأثقلتها بالقروض!

مصر العظمى التى تم احتلالها عام 1882 من بريطانيا وفضلت محتلة لأكثر من 70 سنة!

مصر العظمى اللى بعتت مئات الألوف من شبابها يعملوا بالسخرة لخدمة حروب بريطانيا فى الحرب العالمية الأولى !

مصر العظمى اللى حاكمها عباس حلمى الثانى تنازل فيها عن العقبة للأدرن وملكها فؤاد تنازل عن واحة جغبوب لليبيا !

مصر العظمى اللى خط الحدود بين مصر والسودان تم إقراره سنة 1899! مصر العظمى اللى جيشها تم طرده من السودان سنة 1924 !

مصر العظمى اللى حكمها مقامر ومكروه حتى من أسرته زى فؤاد الأول اللى اتجوز نازلى غصب عنها ، وخلفوا فاروق قبل ميعاده ، فالشاعر بيرم التونسي كتب لهم قصيدته الباميه السلطانى

والناس قرون كنا نقول مأمأ.. ونأكل البرسيم بالقفة

مصر العظمى وتزوير التاريخ. - مجلة الوعي العربي بقلم : عمرو صابح قناة elw3yalarabi.org